Pächter/In gesucht ...

Etablierter und gepflegter Gasthof in Winterthur-Reutlingen zu Verpachten

mir sueched für’s schönschti beizli vo rütlinge – zwüsche seuzach und oberwinterthur – än würdige nachfolger – äs törf natürli au ä nachfolgeri si

mir händ öises bischu i dä letschte jahr total uf vordermah bracht, chuchi, chäller, chühlrühm, lüftig, fassade alles hämmer perfekt usbaue.

für än gaschtroprofi än traum, äs isch alles da was dies härz begehrt!

mir sind bekannt für öisi schwiizer butterchuchi – und das sell nach möglichkeit au so bliibe

erwartige an üse wunschkandiat  
beizer/gaschtgeber mit härzbluet, fundiert usbildet mit tütscher muetersprach, und choche sett er au no chönne

mir büted
•    ä vollwärtig ihgrichteti beiz
•    inventar uf äm nöischte stand (kei alte seich)
•    ä heimeiligi gaschtstube mit gut 30 sitzplätz (50m2)
•    än wunderbare garte, au mit öppe 30 plätz (50m2)
•    äs gmütlichs fumoir  
•    beiz, fumoir, chuchi, toilette – alles uf eim bode
•    uf wunsch chame öisen guet gfüllte wiichäller au überneh
•    gueti erreichbarkeit vom stadtzäntrum, parkplätz für d’gescht
•    äs guets imitsch und ä super stammchundschaft

was settsch mitbringe
•    idealismuss, froid, stehvermöge, und, und, und…
•    öppe 60'000 franke fürs optimal ufs konzept abgstimmte inventar
•    10'000 franke fürs warelager
•    übernahm vom wiichäller nach absprach

mieti
•    9% vom nettoumsatz, mindeschtens 48'000 max 60'000 franke pro Johr
•    12’000 franke als kaution
•    übernahm nach veriibarig

mir fröie üs als liegäschafts-bsitzer uf öii vollständigi bewärbig mit foto, referänze und ämene motivationsbrief mit ahgabe zum plante konzept

wirtschaft zur eintracht in rütlinge -winterthur
www.eintracht-reutlingen.ch
roland häusermann / info@eintracht-reutlingen.ch / +41 52 242 15 4